Arqon tortish bo'yicha Robot tortishuv

Arqon tortish bo‘yicha

musobaqa talablari

1. Umumiy qoidalar

Musobaqa ikki jamoa o‘rtasida o‘tkaziladi. Har bir jamoa ringga bitta robot chiqaradi.

1.1. Musobaqaning vazifasi

Ikki robot jismoniy kuch va aniq taktik harakatlar yordamida bir-birini g‘alaba chizig‘iga tortadi. Musobaqaning maqsadi — arqonni (arqondagi belgi) o‘z tomoniga tortib olish.

1.2. Cheklovlar

Jamoa quyidagi talablarga javob berishi kerak:

• Ishtirokchilar yoshi 18 yoshdan katta bo‘lmasligi kerak;
• Jamoada 3 nafardan ortiq ishtirokchi bo‘lmasligi kerak (rahbarlar soni cheklanmagan);
• Bitta jamoa bitta musobaqada bir nechta robot bilan ishtirok eta olmaydi.

2. Robotga qo‘yiladigan talablar

Robot quyidagi o‘lchamlarga mos bo‘lishi kerak:

• eni – 300 mm dan oshmasligi;
• uzunligi – 300 mm dan oshmasligi;
• og‘irligi – 1000 g dan oshmasligi;
• balandligi – 300 mm dan oshmasligi;

Og‘irlikdagi aniqlik o‘lchov asbobining xatosiga bog‘liq.

Robot match boshlangandan keyin o‘lchamda kengayishi mumkin, lekin qismlarga ajralmasligi kerak va butun raund davomida yagona qurilma sifatida qolishi shart.

Robot to‘liq avtonom bo‘lishi shart; har qanday masofaviy boshqaruv taqiqlanadi. Robotni boshqaruvchi dastur musobaqa ishtirokchisi tomonidan yozilgan bo‘lishi kerak.

Quyidagilarni ishlatish taqiqlanadi:

• raqib robot sensori faoliyatiga xalaqit beruvchi qurilmalar;
• raqib elektronikasini ishdan chiqaruvchi qurilmalar;
• suyuqlik, kukun, gaz yoki boshqa moddalardan iborat bo‘lgan chiqaruv qurilmalari;
• robotni ringga yopishtirish uchun yopishqoq moddalar;
• vakuum nasoslari yoki magnitlar kabi bosim kuchini oshiruvchi qurilmalar.

Robotlar hech qanday holatda ringga, boshqa robotlarga zarar yetkazmasligi yoki ishtirokchilarga jarohat yetkazmasligi kerak. Radiusi 0,1 mm dan kam bo‘lgan o‘tkir qirralar va chekkalar ruxsat etilmaydi. Hakamlar yoki tashkilotchilar juda o‘tkir qismlarni izolyatsion lenta bilan yopishni talab qilishlari mumkin.

Raundlar va bahslar orasidagi ajratilgan vaqtda ishtirokchilarga robotni konstruktiv yoki dasturiy jihatdan tezkor tarzda o‘zgartirish (shu jumladan ta’mirlash, quvvat manbalarini almashtirish va hokazo) ruxsat etiladi, agar bu o‘zgarishlar robot tuzilishiga qo‘yilgan talablar va musobaqa reglamentlariga zid bo‘lmasa.

Robotlar favqulodda holatlarda xavfsizlikni ta’minlash va robotning butligini saqlab qolish uchun akkumulyatorlarni tezda chiqarib olish joyiga ega bo‘lishi yoki quvvatni uzib qo‘yish moslamasiga ega bo‘lishi kerak.

3. Poligon ta’rifi

Maydon uzunamasiga va ko‘ndalang chiziqlarga ega simmetrik platformadir.

Ring rangi – oq.

Markaziy chiziq eni – 1 sm.

Ring markazida qizil rangda ikkita parallel start-finish chiziqlari chizilgan bo‘lib, ularning eni 2,5 sm. Chiziqlarning uzunligi – 10 sm. Chiziqlar orasidagi masofa (markaziy chiziqdan start-finish chizig‘igacha, ya’ni qizil rangdagi chiziqqacha) – 10 sm.

Markaziy chiziqdan start-finishgacha bo‘lgan masofa – 10 sm.

Harakat yo‘li chiziqlari kengligi – 2.5 sm.

Jang o‘tkazilishi vaqtida ring atrofida kamida 1 metr kenglikdagi bo‘sh zona saqlanishi shart.

Ring atrofidagi bo‘sh zona maxsus tarzda belgilanishi mumkin. Jang vaqtida ishtirokchining ushbu hududda bo‘lishi jarima bilan jazolanadi.

4. Musobaqani o‘tkazish tartibi

Musobaqa boshlanishidan oldin ishtirok etish uchun ro‘yxatdan o‘tgan barcha robotlar belgilangan talab va me'yorlarga muvofiqligi bo‘yicha tekshiruvdan o‘tadi.

Musoboqa 3 ta raunddan iborat bo‘lib, robotlardan biri 2 marta g‘alaba qozongunga qadar davom etadi. Har bir raund boshida, hakamning buyrug‘i bilan robotlar qo‘lda yoqiladi yoki ishga tushiriladi, shundan so‘ng ular 5 soniya davomida harakatsiz turishi kerak.

Startdan so‘ng robotni boshqarishga yoki musobaqa jarayoniga har qanday aralashuv taqiqlanadi.

Robot g‘olib deb hisoblanadi, agar arqon markazidagi belgi robot tomonidagi start-finish chizig‘idan o‘tgan bo‘lsa.

Robot yutqazgan deb hisoblanadi, agar u belgilangan yo‘nalishdan chetga chiqqan bo‘lsa.

Robot yutqazgan deb hisoblanadi, agar musobaqa davomida inson uning ishiga aralashgan bo‘lsa.

4.1. Robotlarni joylashtirish

Hakam signali bilan operatorlar robotlarni ringga joylashtiradi.

Robotlar qizil chiziq orqasiga, harakat chizig‘i bo‘ylab qo‘yiladi.

Har bir robot start-finish chizig‘i chegarasida, harakat traektoriyasi chizig‘i bo‘ylab joylashtirilishi kerak. Robotning proyeksiyasi start-finish chizig‘i chegarasini hech bo‘lmaganda qisman qoplashi lozim. Robotlar joylashtirilgandan so‘ng ularni ko‘chirish taqiqlanadi.

1-raundda navbat, hakam tomonidan qur’a orqali aniqlanadi.

4.2. Start

Raund boshlanish signalidan so‘ng ishtirokchilar robotlarni yoqadilar va raund maydonidan chekinadilar (muhimi – robotlar yoqilgandan so‘ng 5 soniya davomida qimirlamasdan turishi kerak).

4.3. To‘xtatish va davom ettirish

Hakam e’lon qilgach, raund to‘xtatiladi yoki davom ettiriladi.

Raund quyidagi holatlarda qayta o‘ynaladi:

• robotlar 5 soniyadan keyin ham harakatsiz qolsa;

Raund 3 martadan ortiq qayta o‘tkazilishi mumkin emas. Agar uchinchi qayta o‘yin natijasida ham g‘olib aniqlanmasa, ushbu raund uchun hech qaysi robotga ball berilmaydi.

Ishtirokchi 2 ball oladi, va raqib ushbu o‘yinda yutqazgan deb e’lon qilinadi, agar raqib o‘yinning boshida robotini ringga chiqarmagan bo‘lsa.

Uchrashuv yakunlangani e’lon qilingach, jamoalar darhol robotlarini poligondan olib tashlashlari kerak.

5. Qoidabuzarliklar

Bir o‘yinda ishtirokchi 2 ta qoidabuzarlik qilsa – raqibiga ball beriladi. Qoidabuzarlikka quyidagilar kiradi:

• asossiz matchni to‘xtatishni talab qilish;
• ishtirokchi oldingi raund tugaganidan so‘ng, agar hakam vaqtni uzaytirmagan bo‘lsa, raundga tayyorgarlik ko‘rish uchun 60 sekunddan ko‘proq vaqt sarflasa;
• ishtirokchi raund davomida hakamning ruxsatisiz poligon yoki robotga tegsa.

6. G‘olibni aniqlash tartibi

Har bir raundning davomiyligi maksimal 1 (bir) daqiqa. G‘alaba – 2 ball, durang – 1 ball, mag‘lubiyat – 0 ball.

Musobaqa kubok tizimida o‘tkaziladi: yutqazgan robot musobaqadan chiqadi, yutgan – keyingi bosqichga o‘tadi.

Agar 2 raundda g‘olib aniqlanmasa – 3-raund o‘tkaziladi.

Agar 3 raunddan so‘ng faqat bitta jamoa bitta raundda g‘alaba qilgan bo‘lsa – u jamoa butun matchda g‘olib deb topiladi.